Kapitaun klube Zebra FC, Januario Freitas.Imajen/Midia FFTL.

DILI, 10 setembru 2020 (TATOLI)-Kapitaun Klube Zebra FC, Januario Freitas, fó sala treinadór klube bainhira derrota ho Klube Assalam iha jogu kopa Federasaun Futeból Timor-Leste époka 2020.

Klube ho naran istimadu Assalam FC susesu iha nia jornada da-tolu hodi halakon ninia adversáriu Zebra FC ho golu 4-1.

 Notísia Relevante :Assalam baku monu Zebra iha Estádiu Munisipál Dili

“Haree ba jogu sempre iha ida lakon no ida manán, maibé estratejia treinadór ladi’ak bele fó impaktu ba jogu ladiak iha kampu laran,” dehan kapitaun klube ne’e iha Estádiu Munisipál Dili, (10/09).

Klube husi Munisípiu Baucau ne’e halo ona preparasaun másimu, maibé falla bainhira treinadór Rogerio Moc, la uza tékniku ne’ebé maka implementa antes ne’e.

“Entre treinadór ho asistente treinadór laiha koordenasaun di’ak ba malu, troka jogadór iha liña kotuk laiha koordensaun, Jogadór sira ladun toman malu laiha esperiénsia ne’ebé di’ak entaun ami lakon ho golu ne’ebé barak,” tenik tan.

Mezmu nune’e, kapitaun ne’e hateten nafatin respeitu no submete ba desizaun ne’ebé maka trinadór sira aplika.

Iha fatin hanesan, treinadór Assalam, Gaspar Quintão, sente kontente ho rezultadu ne’ebé iha tanba iha  ona posibilidade hodi hakat ba oitavu finál.

“Rezultadu ohin di’ak los mai ami tanba ami manán ho golu ne’ebé barak. Ami iha ona oportunidade hakat ba oitavu finál,” dehan Quintão.

 Notísia Relevante :Assalam FC Preparadu Kompete iha Kopa FFTL

Jornalista : Hortencio Sanchez

Editór        : Agapito dos Santos

HAKEREK NO HATÁN

Please enter your comment!
Please enter your name here