Ministru Obra Públika, Salvador Eugênio Soares dos Reis Pires. Imajen TATOLI/Egas Cristovão

DILI, 09 setembru 2020 (TATOLI)-Ministru Obra Públika, Salvador Eugênio Soares dos Reis Pires, informa razaun submete rezolusaun kona-ba ezonera Prezidente Konsellu Administrasaun Institutu Jestaun Ekipamentu (IGE, sigla portugés) José Luís de Carvalho hodi asegura funsionamentu instituisaun tanba Prezidente sesante komete kazu pekulatu uzu no hetan ona dezisaun hosi Tribunál.

“Ezonerasaun ne’e ho razaun tanba iha tinan kotuk nia (Prezidente sesante) komete kazu pekulatu uzu, kona-ba uza instituisaun niniaa karreta hodi atende serémonia privadu ida iha Kupang, Indonézia ne’ebé Tribunál hasai ona desizaun no suspende ona, nune’e ita presiza hetan prezidente foun atu kontinua asegura funsionamentu institutu ne’e rasik,” tenik Ministru Salvador, iha Palásiu Governu, kuarta ne’e.

Notísia Relevante: Governu nomea Ermenegilda da Costa lidera IGE

Konsellu Ministrus aprova ona projetu kona-ba Rezolusaun Governu, ne’ebé aprezenta husi Ministru Salvador kona-ba ezonerasaun José Luís de Carvalho no nomea hikas Ermenegilda da Costa Laurentina ba kargu Prezidente Konsellu Administrasaun IGE foun ba mandatu tinan-tolu, hahú 2020 to’o 2023.

Governante ne’e haktuir, hafoin Tribunál fó suspesaun ba Prezidente sesante ne’e maka Ministériu Obra Públika (MOP) haree katak iha nesesidade atu halo nomeasaun foun ba hodi servisu instituisaun Estadu ne’e kontinua funsiona.

Bainhira hetan ona públikasaun hosi Jornál Repúblika maka MOP deside kalendáriu hodi fó pose.

Ministru ne’e dehan, daudaun MOP no IGE mós halo preparasaun atubele  normaliza mota sira ne’ebé iha risku iha kapitál Dili hanesan mota Becora, Au-hun no Becuse no seluk tan iha munisípiu sira hodi prevene tempu udan labele hamosu inudasaun grave.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here