Partisipante retiru hasai foto hamutuk iha edifísiu Ministériu Finansa, Aitarak-laran, kuarta (09/09). Imajen/Mídia GPM

DILI,  09 setembru 2020 (TATOLI)-Gabinete Primeiru-Ministru (GPM) realiza retiru ba dahuluk ho objetivu atu halo revizaun portofolio ba kada unidade, mapeamentu pesoál GPM, diskute Lei Orgánika GPM, planu annuál no Orsamentu Jerál Estadu (OJE) 2021.

Aleinde ne’e, halo mós diskusaun ba Standar Operational Prosedure (SOP) ba finansa no aprovizionamentu.

Retiru ne’ebé realiza iha salaun Ministériu Finansa ne’e, loke hosi Xefe Gabinete Primeiru-Ministru, Azevedo Lourenço Marçal, ne’ebé hato’o kona-ba papél GPM, oinsá serbisu hamutuk, serbisu iha ekipa, foku no serbisu tuir prosedimentu no lei sira ne’ebé ezistente.

“Retiru ne’e nu’udar inisiativa hosi Xefe Gabinete foun hafoin asume pasta iha agostu 2020,” refere nota ne’ebé Agência Tatoli asesu iha kuarta ne’e.

Iha retiru ne’e, Kordenadór, Asesór, no Xefe Departamentu idaidak introdús papél ne’ebé dezempeña, objetivu, meta no rekursu ne’ebé ezistente, dezafíu serbisu, relasaun serbisu no rekomendasaun sira inklui aprezentasaun SOP ne’ebé sei sai baze ba empeñamentu funsaun lorloron nian.

Partisipante iha retiru ne’e maka Xefe Gabinete hosi Vise-Primeiru Ministru na’in-rua, dirijente, Koordenadór Unidade, Asesór inklui funsionáriu GPM tomak.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here