logo tipu arte marsiál PSHT, KORK no IKS Kera Sakti. Imajen/Repro

DILI, 09 setembru 2020 (TATOLI)-Sekretáriu Estadu Juventude no Desportu (SEJD), Abrão Saldanha, kuarta ne’e bolu grupu arte-marsiál Kmanek Oan Rai Klaran (KORK) hodi halo diskusaun kona-ba planu Governu atu re-integra sira ba komunidade.

Sorumutu ne’e nu’udar programa kontinuasaun SEJD nian, tanba antes ne’e halo mós enkontru hanesan ho grupu arte-marsiál rua seluk maka Kera Sakti no PSHT.

“Arte marsiál hirak ne’e (KORK, Kera Sakti no PSHT-red) kolabora tebes no prontu atu servisu hamutuk ho Governu hodi haree ba problema sira ne’ebé iha atu rezolve hamutuk, nune’e bele mosu páz, organiza no regulariza sira tuir lei iha ita-nia rai”, katak Governante ne’e hafoin enkontru ho reprezentante KORK iha SEJD Lecidere.

 Notísia Relevante :SEJD prepara hela lejizlasaun re-integra arte-marsiál

Nia dehan, liuhosi sorumutu ne’e atu haree no rezolve problema ne’ebé maka organizasaun sira ne’e hasoru, nune’e bele buka dalan no organiza didiak fali sira.

Iha fatin hanesan Prezidente KORK, Amusi Magno, hateten KORK prontu koopera ho Governu atu submete ba lei no regulamentu ne’ebé maka vigór iha Timor-Leste.

“Ami agradese tebes ba governu bele bolu organizasaun hira ne’e atu mai halao enkontru hodi hare ba futuru organizasaun nian. Ami KORK koopera nafatin ho Governu atu estabelese no hadi’a buat ne’ebé laloos no integra hikas arte marsiál ba komunidade”, katak nia.

Notísia Relevante :PNTL alerta ba membru PSHT ho IKS Kera Sakti hapara viajen ilegál ba Indonézia

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here