Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (09/09). Imajen Tatoli/Egas Cristovão

DILI, 09 setembru 2020 (TATOLI)-Governu liuhosi reuniun Konsellu Ministru (KM) halo aprovasaun ba projetu dekretu-lei kona-ba alterasaun dahuluk ba dekretu-lei númeru 7/2019, 15 abríl ne’ebé aprova estrutura orgánika Ministériu Defeza (MD) nian.

“Projetu dekretu-lei ne’e atu halo eliminasaun ba Gabinete Kooperasaun Tékniku-Militár no Gabinete Arkivu Jerál Defeza no ba kriasaun iha ámbitu Diresaun Jerál Administrasaun, Diresaun Nasionál Planeamentu no Diresaun Nasionál ba Informasaun, Teknolojia no Komunikasaun,” relata Ministru Prezidénsia Konsellu Ministru, Fidelis Manuel Leite Magalhães, iha Palásiu Governu, kuarta ne’e.

Alterasaun estrutura orgánika ministériu ida mai ho atualizasaun orgánika VIII Governu Konstitusionál, ho intensaun atu promove atualizasaun, rasionalidade, efisiénsia no efikásia estrutura ministériu ida.

Ho alterasaun ne’e, ba kargu Xefe Gabinete Jurídiku no Forsa 2020 ne’ebé ekiparadu iha termu salariál ba kargu Diretór-Jerál.

Nune’e mós, altera ona kompozisaun ba Konsellu Superiór Defeza Militár nian, ne’ebé hatudu iha dispostu alterasaun dahuluk ba Lei Defeza Nasionál.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here