DILI, 08 setembru 2020 (TATOLI)-Ministru Asuntu Kombatente Libertasaun Nasionál (MAKLN), Júlio da Costa Sarmento “Meta Malik, propoin ba Ministériu Ensinu Superiór Siénsia no Kultura (MESSK) no Universidade Nasionál Timor Lorosa’e (UNTL) atu oferese vaga ba veteranu nia-oan hodi asesu UNTL no Institutu Politékniku Betano (IPB) hamutuk 1.300 iha tinan ne’e.
“Ita sei prepara labarik sira nia kondisaun atu sira bele hetan asesu engeresu ba UNTL no IPB. Maibé ami sei ejize ba veteranus sira atu prepara oan sira atu hetan fatin iha rejime espesiál ne’e,” dehan Meta Malik, hafoin asina nota intendimentu (MoU-sigla inglés) ho Ministru Ensinu Superiór Siénsia no Kultura (MSSK), Longuinhos dos Santos, iha Salaun Ian Martin INFORDEPE Matadouro, tersa ne’e.
Notísia Relevante :Oan kiak sei asesu UNTL iha 2020
Nia dehan husi totál vaga 1.300 ne’e sei fahe ba Munisípiu 12 hamutuk ema 1.200 no Rejiaun Administrativa Espesiál Oé-Cusse Ambeno (RAEOA), 100 ho kritéria tenki iha valór di’ak.
“Ita lakohi tanba de’it memorandum intendimentu ne’e asina ona labarik sira ita haruka ba depois eskola to’o klaran de’it halai lakon tiha ona, tanba ne’e ita sei halo selesaun depois mak ita haruka lista sira ba MESSK atu hetan apresiasaun,” tenik tan.
Iha tempu hanesan Ministru Ensinu Superiór Siénsia no Kultura (MESSK), Longuinhos dos Santos, hateten MESSK sei konsidera pedidu ne’e maibé husu atu kolabora diak liután iha prosesu ne’e.
Notísia Relevante :Estudante 4.211 Aprovadu Asesu UNTL
Jornalista : Tomé Amado
Editór : Agapito dos Santos
Atu segura kualdade no dignidade UNIVERSIDADE nian mak estudante ne’ebe atu tama tenke ta’es didiak mak bele tama. Maske Veteranus nia oan maibe valor no ladiak labele tama.
dokumentus saida saida mak ita sei prepara atu ba rejistu iha tinan 2021
Oinsa ho ami martires nia oan sira.hau so husu det kona ba opurtunidade Ida ne ba s1 ga ou Ble mos s2 oinsa ho minsterio para os kombatentes da livertasaun nasional tanba hw hakarak atu kontinua ba S2 maibe nudar inan faluk labele responde ami hotu ba oin Tan…hau mos akaba ona hw nia estudu iha universidae dili UNDL e hau hakarak aprobeita progra ne bele kle
Tenki fó oportunidade ba veteranus nia oan sira, problema kualidade ne’e depende ba ema ida-idak nia konsiensia, badinas estuda.
Favor boot ida valoriza netik Asu Wa’in sira nia luta ba ukun rasik aan ida ne’e.