Xefe Departamentu Saneamentu Munisípiu Dili, Domingos Soriano. Imajen Tatoli/Osória Marques.

DILI, 07 setembru 2020 (TATOLI)–Xefe Departamentu Saneamentu Munisípiu Dili, Domingos Soriano, hateten bainhira pesoal sanementu mak la simu subsídiu liña fernte (COVID-19) mak sei la halo servisu to’o bainhira Governu fó ona resposta ba sira mak bele halo fali servisu hanesan baibain.

“Ita sei la halo servisu hanesan pesoal sanemaentu bainhira la hetan direitu hosi Governu kona-ba subsídiu liña frente nian tanba uluk Governu mak hateten ba ita no ba públiku,” dehan Xefe Departamentu Saneamentu Munisípiu Dili, Domingos Soriano, ba Agênsia TATOLI, iha nia knaar fatin Matadouro, Dili, segunda ne’e. 

Nia haktuir, maske Estadu Emerjénsia implementa ba dalimak ona maibé pesoál sanementu seidauk simu subsídiu liña frente nian to’o ohin loron.

“Dezde Estadu Emerjénsai dahuluk to’o agora ami seidauk simu subsídiu ba liña frente nian no ami simu informasaun dehan hein de’it tanba subsídiu ne’e sei iha prosesu nia-laran,” nia dehan. 

Maske la simu subsídiu liña frente, xefe saneamentu ne’e hateten, sira hein de’it desizaun hosi Governu maibé pesoál sanememntu kontinua hala’o servisu nu’udar funsionáriu tuir saida mak Governu sentrál haruka.

Xefe Departamentu Saneamentu hatete loro-loron Governu toka subsídiu dehan pesoál sanementu nian mós sei hetan subsídiu maibé to’o ohin loron seidauk bele realiza. 

“Tanba durante EE dahuluk ne’e ami pesoál saneamentu mak halo servisu nafatin, funsionáriu barak mak hakmatek iha ida-idak nia uma. Tanba ne’e ami husu nafatin ami-nia direitu ba Governu,” nia dehan.

Jornalista: Osória Marques

Editór: Cancio Ximenes

 

HAKEREK NO HATÁN

Please enter your comment!
Please enter your name here