Segundu Komandante PNTL, Kamisáriu Mateus Fernandes. Imajen/Antonio Goncalves

DILI, 07 setembru 2020 (TATOLI)- Komandu Polísia Nasional Timor-Leste (PNTL) husu ba membru hotu atu hala’o servisu iha terrenu hodi asegura seguransa tuir lei.

Notísia Relevante : Governu buka rezolve problema báziku PNTL Dili

Segundu Komandante Jerál PNTL, Komisáriu  Mateus Fernandes iha ninia intervensaun ba serimónia Isar Bandeira, ohin, hateten, iha fim-de-semana parte Unidade Patrullamentu Fronteira (UFP) kaptura tan sidadaun sira ne’ebé halo atividade ilegál, inklui membru arte marsiál sira ne’ebé maka ba sa’e sintu (sabuk) iha Indonézia barak tebetebes.

“Situasaun ida ne’e atu fó hanoin ba ita hotu nu’udar ema ne’ebé kaer seguransa atu bele kuidadu di’ak liu tan, tanba dala-ruma ema fó informasaun oin-oin, liga ba buat oin-oin, liga mós mai ita idak-idak la’ós hotu-hotu, maibé ida ka rua, ha’u husu ba ita hotu atu bele tau atensaun ba ida ne’e,” afirma Segundu Komandante Jerál PNTL, Komisáriu Mateus Fernandes.

Komisáriu Polísia ne’e husu ba membru hotu atu hala’o servisu tuir lei ne’ebé atribui ona ba PNTL no labele halo buat ida ne’ebé viola lei atu ikus mai membru sira labele simu ninia konsekuénsia.

Jornalista   : Eugénio Pereira

Editór        : Francisco Simões

 

 

HAKEREK NO HATÁN

Please enter your comment!
Please enter your name here