Logotipu CAC.

DILI, 07 setembru 2020 (TATOLI)-Komisaun Anti-Korrupsaun (CAC)  sei halo koordenasaun ho Parlamentu Nasionál  (PN) no Governu hodi bele kria tan dekretu lei komplementár  hodi apoiu liután  implementasaun lei Medida Preventiva no Kombate Korrupsaun (MPCC-sigla portugés) kuandu vigora ona.

Notísia Relevante : CAC sei halo sosializasaun públiku ba lei MPCC

Komisáriu Adjuntu Komisaun Anti-Korrupsaun ba Asuntu Prevensaun no Sensibilizasaun, Luis de Oliveira Sampaio, ba Agência Tatoli iha Palaçio do Governo, hateten, lei ne’ebé presiza no identifika hela hodi halo ajustamentu  mak hanesan Lei asset recovery, liberdade informasaun, ajustamentu lei internal CAC nian, lei protesaun sasin ho sira seluk tan.

CAC halo hela diskusaun internal  hodi internaliza lei MPCC hafoin ne’e sei halo koordenasaun entidade relevante hanesan PN ho Governu  hodi haree lei komplementár.

“Ita identifika hela lei komplementár nune’e sei fó apoiu ka reforsa liután ba implementasaun lei MPCC,” hateten Luis Oliveira Sampaio.

Lei MPCC hetan aprovasaun ona husi Parlamentu Nasionál (PN) no promulga ona  husi Prezidente Repúblika.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here