Prezidente Repúblika Francisco Guterres ‘Lú Olo’ akompañadu hosi Espoza Cidália Lopes Nobre Mouzinho Guterres partisipa misa selebrasaun aniversáriu fundasaun Dioseze Dili ba tinan-80 . Imajen/Media PR.

DILI, 06 setembru 2020 (TATOLI)—Prezidente Repúblika Francisco Guterres ‘Lú Olo’ akompañadu hosi Espoza Cidália Lopes Nobre Mouzinho Guterres partisipa misa selebrasaun aniversáriu fundasaun Dioseze Dili ba tinan-80 (04 setembru 1940–04 setembru 2020).

Notísia Relevante: Dom Virgílio husu sarani sira keta taka laran ba Maromak

Prezidente Repúblika hato’o nia mensajén ba selebrasaun aniversáriu Dioseze Dili ba tinan 80 hatuur iha misaun rua ne’ebé importante tebes hanesan misaun administrasaun relijioza no misaun apostolika Kristaun.

“Hafutar ita hotu nu’udar sarani hodi hametin ita-nia relasaun ho Na’i Maromak no hametin ita-nia identidade nu’udar ema no povu ho valores rasik,” Prezidente Repúblika, Francisco Guterres ‘Lú Olo’ tatoli.

Aleinde Prezidente Repúblika Francisco Guterres ‘Lú Olo’ ho nia Espoza ne’ebé partisipa iha selebrasaun refere, Prezidente Parlamentu Nasionál Ainiceto Guterres ho nia Espoza no   Prezidente Tribunál Rekursu Deolindo do Santos ho nia Espoza mós partisipa. (*/ki)

HAKEREK NO HATÁN

Please enter your comment!
Please enter your name here