Logo UNFPA.

DILI, 04 setembru 2020 (TATOLI)-Ministériu Saúde, iha sesta (04/09) simu ona apoiu ekipamentu maternidade faze daruak ne’ebé oferese husi United Nations Population Fund (UNFPA-sigla inglés).

Faze dahuluk nian, iha loron 30 fulan-jullu liubá UNFPA forñese ona pakote médiku ba estabelesimentu sala maternidade no izolamentu iha Sentru Saúde Vera Cruz.

“Ohin loron UNFPA entrega tan ekipamentus médiku supplay hirak ne’e mak hanesan kama eletrónika partus, automatiku radiant warmer ba bebé, trolleys no seluk seluk tan,” informa Reprezentante UNFPA, Ronny Lindstrom, iha Sentru Saúde Vera Cruz.

Mezmu nune’e, nia dehan daudaun ne’e nia parte simu tan ona pedidu adisionál husi MS atu kompleta ekipamentu iha sala maternidade Vera Cruz. Tanba ne’e maka hahú halo ona prosesu aprovizionamentu.

Ekipamentu hirak ne’ebé entrega sesta ne’e, UNFPA sosa ho orsamentu $ 50.000 ne’ebé apoiu husi Governu Austrália no DIFAT.

”Durante UNFPA mós fó ona formasaun ba médiku no parteira sira hotu iha Sentru Saúde Timor laran tomak iha servisu kuidadu saúde ba iha antenatal no kuiddau intrapartu no pospartu,” tenik tan.

Iha fatin hanesan Ministra Saúde Oete Maria Freitas hateten ekipamentu ne’ebé mak apoiu husi UNFPA ne’e liga liu ba inan isin rua sira ne’ebé mak tuur ahi no liliu ba sira ne’ebé mak suspeitu ba COVID-19.

Governante mós hato’o agradese wa’in ba parseiru sira ne’ebé fó apoiu fasilidades ne’e.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here