Família lori Saudozu Lucas da Costa "RAMA METAN" nia Fotografia hafoin hala'o omenajen ikus iha Parlamentu Nasional, Segunda 9 Setembru 2019. Imajen/TATOLI

DILI, 05 setembru 2020 (TATOLI)-Família Saudozo Lucas da Costa ‘Rama Metan’, Lucas Juniór, hateten daudaun ne’e aprezenta ona dokumentu ofisiál kona-ba asaun ka saham ba Ministériu Justisa no Ministériu Públiku tanba Fundasaun Neon Metin la konsidera sira hafoin saudozo mate husik hela Universidade da Páz (UNPAZ).

Lucas Juniór, dehan Fundasaun Neon Metin halo ona rejistu foun ba estatutu fundasaun nian hodi la konsidera família matebian.

Notísia Relevante :Xefe Estadu Dekreta Haloot Rama Metan iha Jardim dos Herois Metinaro

“Ha’u tenta halo ona mediasaun ho fundasaun maibé laiha rejultadu, ha’u mós husu tan ba sira atu tuur hamutuk hodi nune’e sese de’it mak sai fundadór ba Fundasaun Neon Metin UNPAZ ne’e idaidak bele aprezenta ninia asaun ou dokumentus ofisiál sira maibé to’o agora seidauk iha resposta,” informa nia hafoin ramata selebrasaun misa dezlutu Saudozo nian iha Igreja Dom Bosco Comoro, sabadu ne’e.

Nia konta tuir katak molok ninia aman mate husik hela dokumentu ofisiál kona-ba asaun iha folla hamutuk 120 tanba ne’e aprezenta ba MP ho MJ hodi konsidera.

Kona-ba Fundasaun Neon Metin halo rejistu foun, Lucas Juniór hakfodak tanba foin rona hafoin nia fila bá Amérika hodi kontinua ninia estudu no servisu.

“Loloos ne’e sira tenki konsidera mós ami nu’udar família matebian atu tuur hamutuk hodi diskute kona-ba formula alterasaun ba estatutu ne’e, tanba durante tinan 10 matebian mós investe ninia osan,  no ideias, matebian halo tiha ona sertidaun de vida ne’ebé agora iha família nia liman,” tenik tan.

Notísia Relevante :PN Presta Omenájen Ikus ba Saudozu “Rama Metan”

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here