Estatua Saudozu Lucas da Costa 'Rama Metan'.Imajen/UNPAZ Media Center.

DILI, 05 setembru 2020 (TATOLI)-Padre Vigáriu Episkopal Re-evanjelizasaun Dioseze Dili, Juvito do Rego, iha ninia omilia hateten ema barak rekoñese obra Saudozo Lucas da Costa Rama Metan, durante funu no depois Timor-Leste hetan ninia independensia.

Durante funu, Saudozo ema barak koñese nia hanesan enfermeiru hodi tulun Timoroan barak no depois ukun aan Saudozo hamutuk ho ninia kolega sira funda Fundasaun Neon Metin hodi hari’i Universidade da Páz (UNPAZ).

“Konfiguransaun saudozu Lucas da Costa nia husik hela ba ita atu lorloron ita bele hanoin no haree beibeik buat ne’ebé mak nia halo ona iha mundu ne’e,” dehan amu selebrante ne’e durante misa tinan ida dezlutu  Saudozo nian iha Igreja Dom Bosco Comoro, sabadu ne’e.

Durante sei moris saudozo ninia involvimentu  iha funu hodi liberta nasaun no depois partisipa mós iha prosesu dezenvolvimentu hafoin Timor-Leste hetan ninia independensia iha tinan 1999 to’o husik hela mundu iha 2019.

“Ne’e duni ita hotu ne’ebé mak ohin loron sei moris labele haluha saudozu ne’e kontinua reza ba nia husu nafatin ba Maromak atu bele fó fatin naroman ba nia,” tenik tan.

Jornalista : Tomé Amado

Editór        : Agapito dos Santos

HAKEREK NO HATÁN

Please enter your comment!
Please enter your name here