Diretór Ezekutivu Forum Organizasaun Naun Govermentál Timor-Leste (FONGTIL), Daniel Santos do Carmo. Imajen TATOLI/Osória Marques.

DILI, 04 setembru 2020 (TATOLI)Forum Organizasaun Naun Governamentál Timor-Leste (FONGTIL), ohin,  hato’o ninia pozisaun ba públiku tomak liuliu instituisaun relevante relevante sira relasiona situasaun atuál rai laran liga ho kazu akontesimentu vizilánsia hosi FALINTIL-Forsa Defeza Timor-Leste (F-FDTL) ba Angela Freitas nia rezidénsia iha Bairru Formosa, Dili, ne’ebé halo populasaun barak pániku.

Notísia Relevante: Jenerál Lere klarifika F-FDTL ba buska rezidénsia Angela Freitas

Diretór Ezekutivu Forum Organizasaun Naun Govermentál Timor-Leste (FONGTIL), Daniel Santos do Carmo, hato’o mensajén ba populasaun iha Timor laran tomak katak tempu ona hapara violénsia no rezolve problema ho ulun malirin. 

“FONGTIL hato’o mensajén ba populasaun sira liga ho situsaun rai-laran ba timoroan hotu katak tempu ona hapara violénsia polítika, uza ulun malirin hodi rezolve problema tuir lei no konsentra ba dezenvolvimentu nasionál, tau interese povu aas liu interese polítika, privadu no partidária,” dehan Diretór Ezekutivu, Daniel Santos do Carmo, liuhosi koneferesnia imprensa aula sirumutu FONGTIL, Caicoli, Dili, sesta ne’e.

Relasiona ho situasuan ida-ne’e, nia dehan, organizasaun sosiedade sivíl hakarak hato’o mensajén ida-ne’e ba públiku atu ko’a tiha informasaun hirak ne’ebé domina ho provokativu ne’ebé bele lori instabilidade ba rai ida-ne’e no halo pániku ba populasaun sira.

“Tanba ne’e, hanesan sosiedade sivíl lakohi atu hamanas situasaun ne’e atu ita-nia povu pániku, entaun ita iha responsabilidade morál atu ko’alia buat ne’ebé mak loos ba ita-nia povu katak ita-nia situasaun rai-laran hakmatek, ita-nia atividade ekonómiku, atividade estadu no Governu no atividade agrikultór inklui mídia sira-nia nla’o di’ak hela,” Daniel hateten.

Tuir nia, sosiedade sivíl labele ko’alia tanba vizilansai ba sidadaun balun nia uma ne’e la’ós kompeténsia NGO FORUM nian atu hatete maibé hakarak hato’o de’it mensajén ba populasaun atu ko’a informasaun pániku sira.

Tanba, nia esplika, sosiedade sivíl nia papél mak hakarak kontribui ba estabilidade hodi fó informasaun ne’ebé mak edukadu no dehan situasaun konroladu no labele halo tuir ema ida-rua nia hakarak hodi halo manas tan situasaun no husik povu moris hakmatek.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here