Ofisiál PNTL no F-FDTL hasai fotografia hamutuk antes realiza jogu amizade iha Kampu FFTL, Dili. Imajen/PNTL

DILI, 04 setembru 2020 (TATOLI)- Komandu Jerál Polísia Nasionál Timor-Leste no Komandu Jenerál FALINTIL-Forsa Defeza Timor-Leste (F-FDTL) realiza jogu amizade hodi hametin konfiansa servisu ba malu no asegura seguransa rai-laran metin liután.

Jogu ba dame ne’e envolve ofisiais superiór PNTL no ofisiais F-FDTL  partisipa direita husi Vise Xefe Estadu Maiór Jenerál F-FDTL, Brigadeiru Jenerál, Falur Rate Laek, Segundu Komandante Jerál PNTL, Komisáriu Mateus de Jesus, Vise Ministru Interiór António Armindo, hamutuk ho ofisiais superior  PNTL no F-FDTL.

PNTL no F-FDTL realiza jogu ne’e ho objetivu seluk hodi selebra tinan-21 Festa Konsulta Populár, 30 agostu 1999-30 agostu 2020, ne’ebé hala’o iha Kampu Federasaun Futeból Timor-Leste (FFTL), Dili.

Iha primeira etapa, ekipa Komandu F-FDTL konsege hatama golu ida hodi termina iha jogu primeira parte nian. Iha jogu segundu parte, ekipa PNTL domina bola ho di’ak konsege hatama golu ida iha minutu 64, no liu de’it minutu 10 nia laran ekipa F-FDTL konsege responde tan golu ida hodi muda score ba 2-1 to’o remata jogu laiha tan golu, nune’e ekipa F-FDTL manan jogu ne’e.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here