Ekipa Civil Society Education Parterneship (CSEP) no Forum Juventude Marjinalizadu halo enkontru ho Gabinete Apoiu Sosiedade Sivil.Imajen/CSEP

DILI, 04 setembru 2020 (TATOLI)-Tuir relatóriu peskiza husi Civil Society Education Parterneship (CSEP) no Forum Juventude Marjinalizadu (FJM) ne’ebe hala’o iha munisípiu sira rejistu joven marjinalizadu barak sei enfrente problema sosiál oioin tanba kaben sedu.

Koordenadór Nasionál ba Civil Society Education Parterneship (CSEP), José de Jesus, hateten atu rezolve problema hirak ne’e maka tuir planu husi juventude marjinalizadu sira hakarak hari’i kooperativa multi-setorál iha tinan 2020 hodi hadi’a sira-nia ekonomia família.

“CSEP iha nia membru NGO tantu nasionál ka lokál hamutuk 15, ne’ebé estabelese forum ida naran FJM iha fulan Jullu 2020 atu reforsa serbisu advokasia iha nivel lokál no munisípiu, no joven marjinaliza sira mak sai fali alvu ba sira-nia maluk marjinalizadu sira seluk”,  dehan nia hafoin halo enkontru ho Gabinete Apoiu Sosiedade Sivil, iha Palacio do Governo Dili, kinta (03/09).

Iha tinan 2021, FJM sei foka liubá atividade formasaun hodi hasa’e abilidade nune’e bele halo mudansa  no hadi’a joven marjinalizadu sira-nia moris iha asuntu sosiál no ekonomia.

Iha fatin hanesan Koordenadór Gabinete  Apoio Sociedade Civil (GASC-sigla portugés),  Filipe da Costa,  louva ho relatóriu peskiza ne’ebé hala’o husi CSEP no FJM kona-ba kondisaun moris juventude marjinalizadu iha área remotas.

“Informasaun sira ne’e presiza tebes husi Governu atu hala’o polítika no dezeña programa ba Orsamentu Jerál Estadu 2021 oinsá bele apoiu juventude marjinalizadu iha área remotas liuhusi parseria ho sosiedade sivíl sira,” katak nia.

GASC hakarak hari’i sosiedade sivíl ho instituisaunida forte entermus klasifikadu, estruturadu, organizadu no ativu iha sosiedade.

Daruak, sosiedade sivíl-nia papél forte, inklui advokasia, edukasaun publika, kontrolu no balansu, parseria ba implementasaun programa.

Datoluk, programa sosiedade sivíl kontribui ‘sosiedade timor haksolok liliu atividade sira liga ho moris di’ak iha ekonomia no sosiál povu nian.

Jornalista : Hortencio Sanches

Editór       : Agapito dos Santos

HAKEREK NO HATÁN

Please enter your comment!
Please enter your name here