Prezidente Parlamentu Nasionál, Aniceto Longuinhos Guterres Lopez.

DILI, 04 setembru 2020 (TATOLI)—Prezidente Parlamentu Nasionál, Deputadu Aniceto Longuinhos Guterres Lopes, informa maski bankada opozisaun sira la marka prezensa no la partisipa iha serimónia rituál ba repozisaun meza prezidénsia maibé Parlamentu Nasionál tenke la’o ba oin no tenke funsiona nafatin.

Notísia Relevante: Serimónia rituál ba meza prezidénsia PN, lia-na’in husu polítiku sira unidade

“Atu mai ka la mai ne’e Parlamentu Nasionál tenke funsiona nafatin nune’e estadu ne’e tenke la’o nafatin bá-oin, labele paradu,” Przidente Parlamentu Nasionál Deputadu Aniceto Guterres informa ba jornalista sira hafoin serimónia rituál, iha Parlamentu Nasionál, sesta ne’e.

Prezidente Parlamentu Nasionál ko’alia kestaun ne’e tanba bankada opozisaun komposta hosi CNRT, PD, UDT/FM no PUDD la marka prezensa no la partisipa.

Tanba ne’e, Prezidente Parlamentu Nasionál konsidera bankada opozisaun sira-ne’ebé la partisipa laiha problema, importante mak funsionamentu parlamentu nian tenke kontinua funsiona.

Iha parte seluk, Deputadu Aniceto Guterres fó-sai katak, serimónia rituál horikalan taka ba públiku tanba lia-na’in sira taka ba públiku.

“Horikalan hanesan rituál ketak ida hodi hasai tiha meza rahun ne’e hodi hasai tiha manas ne’e,” Prezidente Parlamentu Nasionál, Aniceto Guterres hateten.

Jornalista: Evaristo Soares Martins 

Editór: Cancio Ximenes

HAKEREK NO HATÁN

Please enter your comment!
Please enter your name here