Prezidente KIESP-TL no Atuál Reitór IOB, Augusto Soares. Imajen/Evaristo Soares Martins.

DILI, 03 setembru 2020 (TATOLI)-Institute OF Bussines (IOB) no Universidade Brawijaya Indonézia iha ona konkordansia atu halo peskiza kona-ba polítika redúz pobreza (PRP) iha munisípiu fronteira entre nasaun rua.

Reitór IOB Augosto da Conceição Soares, hateten peskiza akadémika ne’e, IOB halo iha fronteira Munisípiu Bobonaro, enkuantu Universidade Brawijaya halo iha Provinsia Nusa Tenggara Timur (NTT).

“Ami halo peskiza PRP ne’e liuhusi akordu ida ho intensaun atu halibur dadus hodi bele ajuda fali Governu nasaun rua nian iha futuru,” katak nia ba Tatoli iha ninia servisu fatin, kinta ne’e.

Peskiza ne’e ho objetivu  atu hetan dadus ko-naba pursentajen kiak iha área fronteira. No rejultadu peskiza ne’e parte rua sei halo seminariu hodi halo diskusaun.

“Planu seminariu ne’e ita sei konvida Ministériu relevantes inklui autoridade kompotentes sira iha Munisípiu refere atu entrega mós rejultadu peskija ne’e ba sira,” tenik tan.

Entretantu, ekipa husi IOB iha semana kotuk liubá halo ona diskusaun ho Autoridade Munisípiu hodi hetan dadus kona-ba pursentajen kiak iha fronteira.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here