Reitor Iob, Agosto Soares. Imajen Egas Cristovão

DILI, 03 setembru 2020 (TATOLI)-Institute Of Bussines (IOB) no Servisu Autónomu Medikamentu no Ekipamentu Saúde (SAMES) iha fulan-jullu liubá estabelese ona akordu ida iha área jestaun.

Iha akordu ne’e SAMES husu ba IOB atu halo akompañamentu  ba jestaun liliu iha programa kontabilidade, ajuda prodúz relatóriu finanseiru, formasaun no apoiu estudu viabilidade ba servisu SAMES.

Reitór IOB, Augosto da Conceição Soares, hateten IOB hetan fundu ho valór $ 38.000 husi SAMES hodi implementa programa ne’e ho durasaun durante tinan ida.

“Ita halo hela akompañamentu ba jestaun SAMES nian iha programa kontabilidade, ajuda prodúz relatóriu finaseiru, formasaun no apoiu halo estudu viabilidade ba SAMES nia servisu,” informa nia ba Tatoli, iha IOB Fomento Dili, kinta (04/09).

Iha biban seluk  Diretór Ezekutivu Servisu Autónomo Medikamentu no Ekipamentu Saúde (SAMES) Santana Martins, relata kooperasaun ho IOB ne’e atu haforsa jestaun kontabilidade oinsá iha responsabilidade uza osan Estadu ne’e tenki iha jestaun ida di’ak.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here