Aviaun euroAtlantic Airlines. Imajen/wikiwand

DILI, 03 setembru 2020 (TATOLI)-Governu Timor-Leste (TL) no Portugál koopera atu lori fila estudante timor-oan na’in-124 inklui profesór portugés sira hosi Eskola Portugeza Dili no projetu Sentru Aprendizajen no Formasaun Eskolár (CAFE, sigla portugés) ho aviaun EuroAtlantic.

“Estudante sira ne’ebé mak atu repatria hosi Portugál tanba koordenasaun entre Governu rua, liuliu hosi Ministériu Edukasaun Portugál ho Ministériu Edukasuan no Juventude Timor-Leste, ne’ebé Ministériu Negósiu Estranjeiru no Kooperasaun (MNEK) maka atu fasilita,” tenik Ministra Negósiu Estranjeiru no Kooperasaun, Adaljiza Magno, iha plenária Parlamentu Nasionál (PN), kinta ne’e.

Repatriasaun estudante timor-oan graduadu hosi nasaun Cuba na’in-28, Brazíl na’in-hitu, Portugál na’in-82, Itália ida no Reinu Unidu neen, ne’ebé sei mai hamutuk ho profesór portugés sira.

Tuir governante ne’e, kona-ba kustu viajen ba estudante bolseiru kabe ba entidade responsável ba bolsa maka sei selu billete no inisitiva ne’e hosi Governu Portugál, ba sira ne’ebé la’ós bolseiru no hakarak fila, sira rasik maka sei selu billete.

Nia akresenta, MNEK sei analiza pedidu hosi timor-oan naun bolseiru iha estranjeiru ne’ebé hakarak reptria no sei koordena ho ministériu seluk atu buka meiu no fundu hodi organiza hamutuk iha fatin ida maka mai Timor-Leste.

Tuir planu aviaun EuroAtlanetic B767-300ER sei sai hosi Lisboa iha loron 19 setembru no sei to’o iha Dili iha 21 setembru.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here