Logotipu UNDP

DILI, 03 setembru 2020 (TATOLI)-Funsionáriu Munisipál 300-resin finaliza ona kursu kapasitasaun rekolla dadus liuhosi portál Munisipál durante oras ualu nia laran.

Ministériu Administrasaun Estatál (MAE) ho Programa Nasaun Unidu ba Dezenvolvimentu (UNDP-sigla inglés) maka fasilita formasaun ne’e.

Formasaun ne’e parte ida husi projetu Uniaun Europeia no UNDP ho tema “ Fortalesimentu Dezenvolvimentu Lokál Integrál liuhosi Kapasitasaun ba Autoridade Munisipál iha Timor-Leste.

Tuir komunikadu imprensa ne’ebé Tatoli asesu hateten formasaun ne’e komesa ona iha fulan-jullu no agostu ne’e iha Munisípiu 12 hodi hanorin funsionáriu munisipál kona-ba portál no koordena di’ak liután ho servisu nunisipál sira nune’e bele rekoilla dadu s ho di’ak.

“Formasaun ida ne’e ajuda hakle’an ami nian koñesimentu kona-bá kolesaun dadus iha área be’e no saneamentu iha Ainaro,” dehan Formandu Albina Soares, atuál ofisiál Finansa SAS Munisípiu Ainaro,

“Ami hein katak dadus ne’ebé ami rekolla iha futuru bele lori investimentu iha infraestrutura be’e no saneamentu ba ita-nian munisípiu no hadi’a  ema nian moris” tenik tan.

Alende ne’e, reprezentante servisu Munisipál husi Ministériu  Turizmu Komérsiu no indústria Liquiça, Salvadór Serão, hateten, formasaun refere permite sira atu halo planu no jere rekursu sira ho efikas.

“Formasaun ida ne’e permite ami halo planu projetu no jere rekursu sira ho maneira ne’ebé efikáz tuir dadus ne’ebé ami fornese ba nível munisipál,” katak komunikadu.

Diretór Munisipál sira, Diretór Nasionál, Diretór Servisu Munisipál, Ajénsia Teknolójia Informasaun no Komunikasaun Admnsitradór Postu mak partisipa iha fornasaun ne,e no seluk tan.

Serimonia enseramentu refere realiza iha Otél El Legandariu iha ne’ebé partisi[a husi Vise Ministru Administrasaun Estatál (MAE) Lino de Jesus Torrezão, Embaixadór Uniaun Europeia Andrew Jacobs, Munkhtuya Altangerel, Reprezentante Rezidente UNDP no Prezidente Autoridade no Administradór Munisipál husi munisípiu 12.

Embaixadór EU, Andrew Jacobs , hatete  Portál Dadus Munisipál hanesan xave komponente apoiu husi Uniaun Europeia ba implementasaun Planu Desentralizasaun Governu nian ne’ebé mak implementa hela husi PNUD. Portálese ajuda instituisaun lokál sira hodi rekolla no uza dadus ho maneira ne’ebé efikáz, atu nune’e bele serve di’ak liutanm  ema iha sira nian komunidade sira”, dehan Andrew Jacobs.

Jornalista: Hortencio Sanchez

Editór      : Agapito dos Santos

HAKEREK NO HATÁN

Please enter your comment!
Please enter your name here