Materiál doasaun husi Jack Ma no Alibaba Foundation husi Xina atera iha Aeroportu Comoro, tersa (26/05). Imajen Tatoli/António Gonçalves

DILI, 03 setembru 2020 (TATOLI)-Servisu Autónomu Medikamentu no Ekipamentu Saúde (SAMES), iha kinta ne’e simu tan apoiu ekipamentu protesaun pesoál ba prevensaun COVID-19 hanesan máskara hamutuk 280.000 husi Fundasaun Alibaba husi Xina ne’ebé entrega husi Reprezentante Organizasaun Mundiál Saúde iha Timor-Leste.

Diretór Ezekutivu SAMES,  Santana Martins,  hateten ohin entrega de’it ekipamentu hanesan máskara no tuir planu iha semana oin sei entrega tan oksijéniu regulator no item seluk tan.

Notísia Relevante :Fundasaun Alibaba Xina apoiu ekipamentu prevensaun COVID-19 ba TL

“Máskara sira ne’e ita sei halo inspesaun filafali depois mak ita sei distribui baseia ba nesesidades, máskara surjikál  katak maskára sei uja de’it iha fasilidade saúde sira,” dehan nia ba Tatoli iha edifísiu OMS Caicoli,  kinta ne’e.

SAMES sei distribui ekipamentu hirak ne’e ba Sentru Saúde Vera Cruz, Ospitál Nasionál Guido Valadares (HNGV), Ospitál Referál  no rejionál, Laboratóriu Nasionál, fronteira Motain Bobonaro no Mota-Masin Covalima.

Entretantu, iha loron 26 fulan-maiu liubá Fundasaun Alibaba hamutuk ho Empreza Xineza Jack Ma, apoiu ona ekipamentu prevensaun COVID-19 faze dahuluk nian ne’ebé entrega liuhosi Ministériu Negósiu Estranjeiru no Kooperasaun (MNEK) no Ministériu Saúde.

Ekipamentu hirak ne’e maka hanesan máskara hamutuk 130.000, luvas medisina 20.000,ekipamentu protesaun pesoál 5.000,protesaun  ba oin 5.010, detection kits 5.088, reajente purifikasaun 5.040, reajente konservasaun amostra 5.000, termómetru 39 ho ventiladór 10.

No iha loron 12 fulan-agostu, Fundasaun Alibaba, apoiu tan ekipamentu faze daruak ne’ebé entrega husi Embaixadór Xina iha TL, Xiao Jianguo, ho ekipamentu hanesan face masks hamutuk 10.800 no máskara  n95 hamutuk 60.000.

Notísia Relevante :SAMES Mak Halo Armazenamentu ba Apoiu Ekipamentu Husi Jack Ma no Alibaba

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here