Traballadór umanitáriu hosi organizasaun mundiál sira no korpu diplomátiku sira to’o iha Aeroportu Comoro, kuarta (03/09). Imajen Tatoli/António Gonçalves

DILI, 02 setembru 2020 (TATOLI)-Reprezentante Programa Ai-han mudiál (WFP, sigla inglés) iha Timor-Leste, Dangeng Liu, hateten voo umanitária ho Malaysia Airlines to’o tuku 15:00 hosi Kuala Lumpur mai Dili lori pasajeiru hamutuk 50.

“Ohin hanesan voo dasia ho aviaun alugadu hosi WFP, ho destinasaun Kuala Lumpur, Malázia mai Dili no voo ne’e rasik lori pasajeiru hamutuk 50 no hosi Dili ba Kuala Lumpur iha loron hanesan lori ema na’in-30,” informa Dangeng Liu ba Agência Tatoli, iha Aeroportu internasionál Prezidente Nicolau Lobato, Comoro, kuarta ne’e.

Pasajeitu sira ne’ebé mai no sai fali hanesan traballadór umanitáriu hosi Organizasaun Nasaun Unida (ONU) no korpu diplomátiku sira ne’ebé halo knaar iha Timor-Leste.

Nia dehan, voo ne’e lori mós sasán médiku hanesan test kids, máskara, no electrolite analysis, ne’ebé todan sasán hotu pur volta kilograma 2.000 resin

Ekipamentu hirak ne’e WFP sei entrega ba parte Governu liuhosi Ministériu Saúde.

Reprezentante organizasaun mundiál ne’e agradese ba Governu tanba kontinua fasilita voo WFP to’o ohin loron.

“Ami agradese boot tebes ba Governu Timor-Leste tanba autoriza ona voo no ami mós la haluha agradese ba autoridade Aeroportu ne’ebé koopera di’ak tebes ho ami-nia ekipa hodi fasilita voo ne’e bele ba mai ho di’ak,” nia subliña.

Tanba ne’e, parte WFP kontinua fó apoia umanitária ba Timor-Leste hodi hamutuk kombate COVID-19.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here