Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (02/09). Imajen Tatoli/Egas Cristovão

DILI, 02 setembru 2020 (TATOLI)-Ministru Justisa (MJ), Manuel Cárceres da Costa, halo aprezentasaun ba Konsellu Ministru (KM), ba opsaun polítika lejizlativa kona-ba projetu proposta Lei Organizasaun Judisiária no funsionamentu Tribunál sira hosi proposta lei rejime jurídiku ba Asosiasaun Públika Profisionál, proposta lei kria orden Advogado no proposta lei estatutu foun Ministériu Públiku nian.

“Proposta Lei Organizasaun no funsionamentu tribunál sira hodi kria kondisaun legál ba plena ezekusaun Konstituisaun, ba organizasaun, funsionamentu tribunál superiór sira no ba juridisaun administrativa no fiskál, ho hanoin mós atu konsolida lejizlasaun dispersa ba diploma legál oioin, inklui permite vizaun konjuntu hosi organizasaun judisiária país nian”, relata Ministru Prezidénsia Konsellu Ministru, Fidelis Manuel Leite Magalhães, iha Palásiu Governu, kuarta ne’e.

Governante ne’e dehan, rejime jurídiku Asosiasaun Públika Profisionál ho hanoin atu asegura solusaun aprovadu hosi kada profisaun regulada entre sira no obdese ba prinsípiu determinadu estruturál, asegura katak sei la multiplika iha diploma oioin  no solusaun legál hanesan enkuadra kriasaun ba orden Advogadu sira maibé mós futura kriasaun ba orden ka kámara profisionál sira seluk.

“Atu hametin konfiansa iha kualidade téknika no étika profisionál liberál inklui respeita ba Konstituisaun no soberania nasionál,” nia akresenta.

Nune’e, kriasaun orden Advogadu ho objetivu atu dinamiza regulasaun profisaun advogadu no ezersísiu asaun disiplinár atu orienta formativu kursu estájiu profisionál sira hotu ba espesífika nesesidade ho klase identifikada.

Tuir governante ne’e, opsaun ne’e sei permite mós hatúr Timor-Leste ninia instituisaun konjenere ba omóloga país CPLP no hametin konfiansa no kualidade téknika no étika Advogadu Timor-Leste hodi respeitu ba Konstituisaun no soberania nasionál.

Ho estatutu foun Ministériu Públiku, bele hametin liután autonomia independénsia no majistratura ne’ebé deskreve ho forma kompleta ba aspetu oioin hosi karreira inklui sei adapta servisu Ministériu Públiku oras ne’e.

“Permite espesializasaun iha tipu loloos kriminalidade ka domíniu asaun loloos ho ninia desentralizasaun no haluan asesu ba tipu karreira tuir funsaun kritériu méritu profisionál nian,” nia subliña.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here