Viveiru ai-oan iha Maubara. Imajen/Egas Cristovão.

DILI, 02 setembru 2020 (TATOLI)-Ministériu Edukasaun Juventude no Desportu (MEJD) asina nota intendimentu (MoU) ho Ajénsia Internasionál GIZ husi Alemaña, kuarta ne’e hodi implementa projetu kuda ai-oan hanesan haas, sabarak, ai-teka, ai-mahoni iha Eskola Tékniku Vokasionál Kaloheda iha Uatulari no Ravina iha Lacluta Munisípiu Viqueque.

Diretora Jerál Planu Polítika Inkluzaun, Odilia das Dores Martins, informa projetu ne’e atu apoiu mós profesór no estudante sira kona-ba benefisiu husi kuda ai-horis.

“Ita hatene katak projetu ida ne’e realija ba futuru sei fo benefísiu hodi tulun hasa’e rendimentu ba komunidade sira tanba ai-horis sira ne’e sei fó ninia rejultadu ida di’ak,” katak nia ba jornalista sira iha MEJD Vila Verde Dili.

Iha biban hanesan Country Cordinator GIZ, Rainer Schellhaas, hateten projetu ne’e hahú uluk ho formasaun ba profesór no estudante sira kona-ba oinsá kuda ai-oan, kuidadu to’o hetan ninia rejultadu.

jornalista : Tome Amado

Editór      : Agapito dos Santos

HAKEREK NO HATÁN

Please enter your comment!
Please enter your name here