MInistru Edukasaun Juventude no Desportu, Armindo Maia. Imajen/Egas Cristovão

DILI, 02 setembru 2020 (TATOLI)-Ministru Edukasaun Juventude no Desportu (MEJD), Armindo Maia, kuarta ne’e aprezenta relatóriu servisu ba Primeiru-Ministru, Taur Matan Ruak, iha Palacio do Governo Dili.

Relatóriu ne’e sita kona-ba preparasaun proposta Orsamentu Jerál Estadu (OGE) 2020 no 2021, progresu re-abertura prosesu aprendizajen ba estudante sira, prejensa Profesór Portugés iha eskola CAFÉ iha Timor-Leste.

“Ohin ha’u mai halo esplikasaun ba Primeiru-Ministru, Taur Matan Ruak , kona-ba progresu dezenvolvimentu iha Ministériu nian laran saida mak ita hala’o ona no mós kona-ba kontinuasaun prosesu re-abertura eskola iha Teritóriu Timor-Leste inklui prejensa profesór Portugés nian,” informa Armindo Maia ba jornalista sira iha Palacio do Governo.

Daudaun ne’e MEJD enfrenta problema ida maka profesór Portugés barak mak seidauk fila mai TL hodi hanorin tanba relasiona ho situasaun COVID-19.

“Asuntu ida ne’e ha’u hato’o ona ba Xefe Governu atu bele hatene asuntu saida mak Ministériu ne’e enfrenta para bele apar ho informasaun sira,” katak nia.

Iha okaziaun ne’e Xefe Governu Taur Matan Ruak husu ba MEJD atu buka solusaun hodi rezolve problema ne’ebé mosu iha área edukasaun.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here