Símbolu IKS. Kera Sakti. Imajen/Foti hosi Google

DILI, 02 setembru 2020 (TATOLI)-Komisaun Reguladora Arte Marsiál (KRAM), daudaun ne’e simu ona estatutu Organizasaun Arte Marsiál IKS nune’e bele hetan legalidade hanesan Organizasaun Arte Marsiál iha Timor-Leste.

Prezidente Komisaun Reguladora Arte Marsiál (KRAM), Octaviano da Conceição, hateten KRAM sei verifika no estuda dokumentu ne’e molok submete ba Sekretáriu Estadu Juventude no Desportu (SEJD).

Notísia Relevante :KRAM Sosializa Regra Arte Marsiál Ba PSHT, IKS ho KORK

“Sira hatama dokumentu sira ne’e atu ami haree hodi halo verifikasaun no avalia hamutuk ho Gabinete jurídika Sekretaria Estadu Juventude no Desportu nian,”  dehan nia ba Tatoli iha Lecidere, kuarta (02/09).

SEJD sei rekomenda ba Ministériu Justisa liuhosi Diresaun Nasionál Notariadu atu halo rejisu ba Organizasaun IKS.

Organizasaun arte marsiál ne’e sei hala’o ninia atividade iha rai-laran hafoin Prezidente Repúblika promulga no públika iha Jornal Repúblika.

KRAM fó prazu tempu ba Organizasaun Arte Marsiál PSHT, KORK no IKS atu submete estatutu Organizasaun nian durante tinan ida, maibé la kumpre maka sira labele hala’o sira ninia atividade.

Antes ne’e, Governu fó ona kritéria hamutuk 18 ba grupu arte marisál tolu ne’e atu responde maibé PSHT ho KORKA seidauk.

Notísia Relevante : PM Taur Orienta KRAM Halo Avaliasaun ba Grupu Arte Marsiál

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here