Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (02/09). Imajen Tatoli/Egas Cristovão

DILI, 02 setembru 2020 (TATOLI)-Governu liuhosi reuniaun Konsellu Ministru (KM) ordinária, nomea José Trindade da Cruz ba Prezidente Konsellu Administrasaun Administrasaun  Aeroportu no Navegasaun Aérea Timor-Leste, Empreza Públika (ANATL,EP) ba períodu tinan 2020 to’o 2024.  

Ministru Prezidénsia Konsellu Ministru, Fidelis Manuel Leite Magalhães, informa Konsellu Ministru aprova projetu rezolusaun Governu ne’ebé aprezenta hosi Ministru Transporte no Komunikasaun, José Agustinho da Silva.

“Prezidente Konsellu Administrasaun ANATL sei sai responsável ba jestaun no administrasaun servisu públiku aeroportu no navegasaun aérea hodi apoiu ba aviasaun sivíl iha Timor-Leste,” dehan Ministru Fidelis, hafoin ramata reuniaun KM iha Palásiu Governu, kuarta ne’e.

Ba kargu vogál Konsellu Administrasaun ANATL, nomeia Lurdes Gomes no Eusébio da Costa Lopes, liuhosi proposta Ministériu Transporte no Komunikasaun.

Enkuantu Veríssimo Nai Sai, nomea liuhosi proposta Ministériu Finansa no José de Oliveira Leong, liuhosi proposta traballadór sira nian.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here