Sekretáriu Estadu Protesaun Sivíl (SEPS), Joaquim José Gusmão dos Reis Martins. Imajen Tatoli/Dok.

DILI, 01 setembru 2020 (TATOLI)-Parseiru husi Oxfam, Australia Aid (AusAid) no World  Vision,  ohin, fó apoiu  material konstrusaun no ai-han ba Sekretária Estadu Protesaun Sivíl (SEPS).

Doasaun ne’e entrega direita husi reprezentante Oxfam  iha Timor-Leste Jorge da Silva, Diretór Word Vision iha Timor-Leste, Migena Shulla no reprezentante AusAid rasik  ne’ebé simu direita husi Sekretáriu Estadu SEPS, Joaquin Gusmão ne’ebé akompaña mós husi Diretór Jerál SEPS, Superintendente Xefe Ismael Babo ho kargu xefia sira iha edifísiu SEPS, Caicoli, Dili.

Oxfam ho AusAid apoiu material konstrusaun hanesan kalén zinku 0.30mm hamutuk tahan 5500, simente tonasa 40kg hamutuk saka 2.750, besi betun polos 8mm hamutuk 1100, pregu kalén 220, pregu  12cm hamutuk 220, pregu 10cm hamutuk 220, pregu 7cm hamutuk 440, besi betun 10mm hamutuk 1.320 ho arame finu 220.

World  Vision fó apoiu  ai-han (food item) hanesan foos 25kg saku 540, sedap goreng iha dos 240, susubeen dancow 400gr (bks) 140, sardina kaleng 50 klng  (dos) 100, diskuit arrow masin isi 24 bks ho kuantidade 100, biscuit khong guan unidade king ho kuantidade 140 no mina bimoli 2 ltr ho kuantidade 540.

Sekretáriu Estadu Joaquin Gusmão hateten, material no hahán sira-ne’e entrega ba iha Diresaun Nasionál Dezastre Naturaís hodi  atende komunidade ne’ebé afeta husi dezastre naturaís iha territóriu.

Governante ne’e lori Governu nia naran hato’o agradese ba apoiu husi parseiru sira nian.

Hafoin serimónia SEPS mós relata servisu SEPS nian ba parseiru sira no mós lei protesaun sivíl nian  ne’ebé Parlamentu Nasionál aprova ona hodi haruka ba Prezidente Repúblika promulga, nune’e oinsá bele servisu hamutuk parte SEPS no parseiru sira ba oin servisu hamutuk hodi dezenvolve liután area protesaun sivíl nian.

Jornalista : Nelson de Sousa

Editór       : Francisco Simões 

HAKEREK NO HATÁN

Please enter your comment!
Please enter your name here