Prezidente Partido Democrático (PD), Mariano "Asanami" Sabino. Imajen/Antonio Goncalves

DILI, 01 setembro 2020 (TATOLI)-Deputadu Parlamentu Nasionál (PN) husi Komisaun D, Mariano Asanami Sabino enkoraja funsionáriu sira atu serbisu maka’as hodi bele atinje planu prioridade ba to’o 2023.

“Ha’u husu ba funsionáriu sira hotu iha Ministériu nia laran atu fó apoiu maka’as ba Ministru atuál (MAP, red) atu esforsa hodi lori rai ida ne’e ba oin,” dehan nia iha salaun Ministériu Agrikultura no Peska (MAP) Comoro, Dili tersa (01/09).

Nia hateten funsionáriu tenki fó prioridade ba interese Estadu nian boot liu interese privadu, grupu no partidu, no labele uza edifísiu estadu atu halo polítika iha oras servisu nian.

“Tan ne’e ha’u husu ba funsionáriu sira tomak iha MAP tenki hatene bainhira mak atu ejerse ninia funsaun polítika no kapasidade atu nune’e tenki la’o tuir nia dalan,” tenik tan.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here