Ministériu Administrasaun Estatál (MAE), ohin, hala’o sensibilizaun ba programa “Sesta Báziku” iha Suku Camea. Imajen/Mídia MAE.

DILI, 31 agostu 2020 (TATOLI)—Ministériu Administrasaun Estatál (MAE), ohin, hala’o sensibilizasaun ba programa “Sesta Báziku” ba lider komuntária sira iha Suku Camea, Postu Administrativu Cristo Rei, Munsípiu Dili.

Ministru Administrasaun Estatál, Miguel Pereira de Carvalho, husu ba lider komunitáriu sira iha Suku Camea atu prepara dadus sidadaun nian ba programa “Sesta Baziku” ne’ebé sei implementa iha fulan novembru no dezembru tinan ne’e.

Ministériu Administrasaun Estatál (MAE), ohin, hala’o sensibilizaun ba programa “Sesta Báziku” iha Suku Camea. Imajen/Mídia MAE.

“Husu ba lider komunitáriu sira iha Suku Camea atu prepara dadus sidadaun nian ba programa “Sesta Baziku” ne’ebé sei implementa iha fulan novembru no dezembru tinan ida-ne’e. Programa ida-ne’e importante ba kada sidadaun no membru família sira atu sai benefisiariu,” dehan Ministru Administrasaun Estatál, Miguel Pereira de Carvalho, liuhosi sensibulizasaun Programa “Sesta Báziku” ba lider komunitáriu sira iha Suku Camea, ne’ebé Agência TATOLI asesu liuhosi rede sosiál Ministério da Administração Estatal, segunda ne’e.

Ministru ne’e apela ba xefe suku sira atu prepara dadus ho loloos hodi fasilita Governu bele implementa programa “Sesta Baziku” ba povu, nune’e bele rekopera fali ekonómia povu Timor-Leste nian ne’ebé povu enfrenta durante pandemia COVID-19 iha Timor-Leste.

Partisipa iha sensibilizasaun ba Programa “Sesta Báziku” ne’e mak Ministru Administrasaun estatál, Miguel Pereira de Carvalho, hamutuk ho Prezidente Autoridade Munisípiu Dili, Gaspar Soares, Administrador Postu Cristo Rei, Gaspar da Silva, no xefe aldeia no Xefe Suku Camea, Matos da Costa.

Jornalista: Osória Marques

Editór: Cancio Xiemens

HAKEREK NO HATÁN

Please enter your comment!
Please enter your name here