DILI, 28 agostu 2020 (TATOLI)-Sekretáriu Estadu Komunikasaun Sosiál (SECOMS-sigla portugés) Merício Juvinal dos Reis ‘Akara’, promete sei tulun Sekretáriu Estadu Arte no Kultura (SEAC-sigla portugés) hodi promove kultura Timor-Leste.
“Agora ba oin SECOMS sempre prontu hamutuk ho Sekretariu Estadu Arte no Kultura atu hala’o servisu ne’ebé maka’as atu kontinua promove kultura ita-nian liliu ba mundu Internasionál,” dehan Governante hafoin lansa relatóriu implementasaun ba konvensaun UNESCO 2005 kona-ba protesaun no promosaun ba diversidade espresaun kulturál iha edifísiu SEAK Praia dos Coqeiros Dili, sesta ne’e.
Notísia Relevante :Governu lansa relatóriu ba implementasaun konvensaun UNESCO 2005
Nia dehan, ekipa tékniku SECOMS nian ne’ebé antes ne’e servisu hamutuk ho SEAK sei kontinua servisu hamutuk hodi promove kultura Timor-Leste.
Meius ida maka sei husu ba mídia sira atu kontribui hodi halo kobertura no desimina informasaun ba públiku ne’ebé iha relasaun ho kultura Timor-Leste.
Notísia Relevante :Timor-Leste iha Kultura Ne’ebé Forte no Independente
Jornalista : Hortencio Sanchez
Editór : Agapito dos Santos