Diretór Jerál Ministeriu Soliedariedade Sosial Rui Manuel Gago Exposto.Imajen/Tatoli Egas Cristovao.

DILI, 28 agostu 2020 (TATOLI)–Diretór Jerál Ministériu Solidaridade Sosiál no Inkluzaun (MSSI), Rui Manuel Gago Exposto, hateten MSSI iha planu programa prioridade ualu (8) ne’ebé mak sei implementa iha 2021.

“MSSI iha planu prioridade ualu (8) ne’ebé mak ita sei implementa iha 2021. Programa hirak ne’e 2020 nian ne’ebé ita seidauk ezekuta hotu tanba ita la’o ho osan duodésimu no estadu emerjénsia, Corona virus (COVID-19) maibé ita lori fali ba 2021,”  dehan Diretór Jerál Ministériu Solidaridade Sosiál no Inkluzaun (MSSI), Rui Manuel Gago Exposto, ba Agência TATOLI, iha nia knaar fatin Caicoli, Dili,kinta ne’e. 

Nia dehan, programa prioridade mak hanesan programa implementa polítiku jéneru, re-enjersaun inkluzaun komunitária, programa kombate HIV-sida, programa promosaun protesaun ba direitu labarik sira nian, boa governsaun no jestaun institusionál, programa sistema integradu protesaun sosiál, programa rehabilitasaun sosiál rekonsiliasaun  no rekooperasaun, programa asistensia sosiál.

“Programa hirak ne’e ita sei lori ba diskute iha konsellu ministru tanba komisun revizaun orsamentu mos seidauk fó ba MSSI. Hein banhira deskute no aprova mak ita sei implementa iha 2021,” nia dehan.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here