Segundu Komandante Polísia Munisípiu Dili, Superintendente Euclides Belo. Imajen Tatoli/ Antonio Goncalves

DILI, 28 agostu 2020 (TATOLI)– Komandu Polísia Nasionál Timor-Leste (PNTL) Munisípiu Dili, sábadu (29/08), sei fó apoiu seguransa hodi realiza atividade desportu Dili Tour Siklizmu Timor-Leste.

Segundu Komandante PNTL Munisípiu Dili, Superintendente Asistente, Euclides deklara, atu garante seguransa ba eventu ne’e la’o ho di’ak, PNTL liuhusi Seksaun Tránzitu Dili sei blokeia estrada balun iha kapitál Dili.

Tuir ajenda Dili Tour Siklizmu Timor-Leste sei hahú husi tuku 06:00 dadersán too tuku 14:00 Otl, hahú husi rute hanesan Star iha Kuartél Jerál PNTL, Caicoli, liubá Ministériu Justisa, Kruzamentu EDTL ba Igreja Katedrál, liubá Eis San Surya Ponte Maloa, Bairru-Pité, Kruzamentu Kakaulidun, Kruzamentu Fatumeta ka GAN 45 liubá Radio FALINTIL, Kruzamentu Aimutin, rotunda  Elemloi  tesik ba Timor Plaza, Pertamina Indonézia, Mae de Grasa,  Embaixada Amerika, Brazil, liubá Faról Ministériu Turizmu, Igreja Motaél, Palaçio do Governo, Ponte B.J. Habibie, Metiaut, Rezidénsia Ramos Horta, Rotunda Hera, Fatu Ahi, Terminal Becora, Ponte Becora, Mota Ulun, Aidak Bihare, Fatu Ahi, TVTL Fatu Ahi, Kamea Lenun Hun, Rame Tali Laran, Bidau Masaur, Bidua Mota Klaran, Bidau Santana, Meti Aut, no ikus liu termina ka finish iha área Kristu Rei.

Ho rute ne’ebé mensiona ona, Komandu PNTL alerta ba públiku sira atu koopera ho autoridade seguransa, liu-liu ba transporte privadu no transporte públiku bele koopera hodi fó susesu ba atividade ne’e.

“Ami husu ba públiku sira liu-liu atensaun ba transporte públiku no privadu atu koopera hodi ita hotu nia atividade ne’e bele la’o ho di’ak,” dehan Euclides Belo liu hosi karta avizu ne’ebé Agência Tatoli asesu, ohin.

Nia dehan, PNTL Dili sei destaka membru hotu-hotu hodi halo seguransa iha fatin sira ne’ebé temi ona, hodi nune’e bainhira atleta no ekipa sira ne’ebé partisipa eventu ne’e labele hasoru fali asidente ruma.

Iha tempu hanesan, PNTL asegura mós eventu Dili Sepeda Santai ne’ebé sei realiza iha estrada área Benfica Dili hahú oras 08:00 too 14:00 Otl.

Rute eventu ne’e Estar iha Benfica Pateo, Hotel Timor, Palaçio do Governo,  eis Helo Mister, Rotunda Francisco Xavier do Amaral, Audian, Santa Kruz, Taman Makan Pahlawan, Igreja  Balide, Eis Polísia Militár  Balide, Matadoru, Katedrál, eis Tugu Pramuka, eis Bank Duta,  Hotel Clara Mension, Igreja Motaél, Portu Dili, Palaçio do Governo, eis Hello Mister, Parlamentu Nasionál no finaliza ka finish iha Benfica.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here