Embaixadór Xina, Xiao Jianguo entrega máskara ba Vise Ministru Interior, Antonio Armindo. Imajen/Dok.Tatoli

DILI, 27 agostu (TATOLI)-Governu Xina  liuhosi ninia Embaixadór iha Timor-Leste, kinta ne’e entrega máskara hamutuk rihun 40 ba Ministériu Interiór hodi distribui ba Polisia Unidade Patrullamentu Fronteira (UPF) para halo prevensaun ba transmisaun surtu COVID-19.

Embaixadór Xina, Xiao Jianguo maka entrega diretamente ba Vise Ministru Interiór, António Armindo, iha Ai-tarak-Laran Dili.

Notísia Relevante :Embaixada Xina Apoia Máskara Kaixa Tolu ba SEKOMS no Mídia Estadu

Vise Ministru Interiór, António Armindo, hatete maskara ne’ebé fó atu distribui ba Polisia Patroliamentu Fronteira (UPF)  no Servisu Imigrasaun no seluk tan hodi hala’o servisu.

“Máskara sira ne’e ita sei distribui ba iha Polisia UPF sira, ba ita-nia Imigrasaun sira,” dehan António ba Jornalista sira iha edifísiu Embaixada Xina.

Ministériu Interiór sei halo distribuisaun máskara hirak ne’e ba UPF no Servisu Imigrasaun  iha semana ida ne’e nia laran.

Entretantu, antes ne’e, Ministériu Edukasaun Juventude no Desportu, Ministériu Ensinu Superiór Siénsia no Kultura, Ministériu Administrasaun Estatál, Parlamentu Nasionál no seluk tan.

Notísia Relevante :Xina Apoiu Ekipamentu Prevensaun COVID-19 ba PN

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here