ERMERA, 27 agostu 2020 (TATOLI)-Diretór Sentru Saúde Munisípiu Ermera, António de Deus Fátima, informa nia parte kontinua implementa programa vijilánsia sentinela hodi prevene transmisaun surtu COVId-19 iha komunidade nia leet.

“Ami kontinua orienta Sentru Saúde  iha Ermera nafatin halo vijilánsia atu nune’e kuandu iha maluk sira ne’ebé mak halo konsulta iha fasilidade saúde sira mak hatudu sintoma ruma bele halo kedan prevensaun,” dehan nia ba Tatoli, iha Hatulia B Munisípiu Ermera, kinta ne’e.

Notísia Relevante :MS Husu Saúde Munisípiu 12 no RAEOA Kontinua Implementa Vijilánsia Sentinela

Durante implementasaun Estadu Emerjénsia dahuluk, nia  dehan ekipa vijilánsia sentinela konsege foti amostra ba ema na’in 15 ne’ebé hatudu sintoma moras coronavirus, maibé rezultadu teste laboratóriu negativu.

No iha EE daruak, foti amostra ba populasaun na’in rua ne’ebé iha sintoma tanba ultrapasa husi fronteira terrestre Indonézia ho TL ho ilegalmente maibé rezultadu mós negativu.

Ekipa saúde kontinua implementa programa ne’e hodi sensibiliza informasaun ba komunidade kona-ba moras COVID-19 ho ninia sintoma sira.

No mós husu ba komunidade atu informa ba parte saúde bainhira deskobre populasaun balun husi Indonézia maka tama TL ho dalan ilegál tenki aplika kuarentena obrigatóriu ka auto-kuarentena para halo prevensaun ba moras coronavirus.

Notísia Relevante :Sentru Saúde Formoza Implementa Programa Vijilánsia Sentinela

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here