Ministeriu Saude distribui ambulansia 16 ba RAEOA no Munisipiu 12.Imajen/Felicidade Ximenes.

ERMERA, 27 agostu 2020 (TATOLI)-Ministériu Sáude iha kinta ne’e entrega ona ambulánsia hamutuk unidade rua ba Sentru Saúde Guisaruda Hatulia B no Sentru Saúde Letefoho Munisípiu Ermera.

Vise Ministru Saúde, Bonifácio Maucoli dos Reis, maka entrega karreta ambulánsia ne’e diretamente ba dirijente Sentru Saúde rua ne’e iha Hatulia B.

Notísia Relevante :Governu distribui ambulánsia 16

Bonifácio dehan transporte rua ne’e sei tulun Sentru Saúde rua ne’e atu tula pasiente sira lori bá ospitál Gleno no Ospitál Nasionál Guido Valadares (HNGV-sigla portugés).

“Ha’u hakarak ita bo’ot sira ne’ebé ohin simu ona ambulánsia ne’e tenke kuidadu hanesan ita nian rasik,” dehan Vise Ministru Saúde, Bonifácio Maucoli dos Reis.

“Tenke kontola olíu, no bee atu labele maran hodi nune’e bele iha nafatin kondisaun di’ak atu kontinua atende komunidade sira, tanba transporte ambulánsia ne’e Governu sosa uza osan Estadu no osan povu nian,” dehan nia hafoin entrega ambulánsia rua ne’e.

Funsaun husi ambulánsia ida iha Hatulia B nian maka transporta pasiente sira iha suku Fatubesi, Urahou, Mau-Ubu, Lisapat no Fatubolu.

Nune’e  mós sei tulun ofisiál saúde sira atu hala’o vijilánsia para vizita uma-kain idaidak  liuhusi programa saúde iha família.

Governu entrega ambulánsia rua ne’e komplleta kedas ho  fasilidade saúde  hanesan oksijéniu, neulejia, soru no maca hodi fó atendimentu lalais bainhira enfreta situasaun emerjénsia.

Entretantu, Sentru Saúde Hatulia B foin inagura husi Ministériu Saúde iha loron 07 fulan-agostu liubá.

Notísia Relevante :Ambulánsia 16 to’o iha Timor-Leste

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here