Biblioteka Komunitária. Imajen/Espesiál

HATULIA, 27 agostu 2020 (TATOLI)-Eskola Ensinu Sekundária Tékniku Vokasionál Cavo Martinho da Silva Hatulia B Munisípiu Ermera laiha ekipamentu laboratóriu no bibilioteka atu fasilita estudante sira hodi halo prátika.

Xefe Gabinete Apoiu Tékniku Administrasaun, Francisco da Silva, hateten eskola ne’e tékniku vokasionál ne’e hari’i ona durante tinan tolu maibé seidauk iha laboratóriu no sala biblioteka ba estudante sira hodi estuda.

Notísia Relevante :EESJ 02 Vila Nova Baucau Laiha Fatin Própriu ba Prátika Laboratóriu

Kada tinan, Ministériu Edukasaun Juventude no Desportu (MEJD) sempre distribui livru ba eskola refere maibé laiha biblioteka atu rai livru hirak ne’e.

ESTV Hatulia B iha totál estudante hamutuk 192 husi Departementu Komérsiu no Agrária.

Nia dehan eskola ne’e ho profesór 23 ho sala eskola hamutuk neen.

Kona-ba bee moos nia esplika, daudaun ne’e sira asesu ona bee moos tanba kanaliza husi Sentru Saúde Hatulia B.

“Ami labele imajina se karik mak Ministériu Saúde  mak la aloka osan hodi konstrui Sentru Saúde Guisaruda ne’e ami la hatene atu asesu bee husi ne’ebé hodi bele re-ativa prosesu ensino aprendijazen ba ami-nia estudante sira iha ESTV ne’e,”  dehan Nia ba Tatoli, iha Hatulia, kinta ne’e.

Notísia Relevante :Eskola Koni Santana Ermera Falta Material Aprendizajen

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here