Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (26/08). Imajen Tatoli/Egas Cristovão

DILI, 26 agustu 2020 (TATOLI)-Ezekutivu sira liuhosi reuniaun Konsellu Ministru (KM) aprova Projetu Dekretu-Lei kona-ba Orgánika Ministériu Planu no Ordenamentu Territóriu (MPO), ne’ebé aprezenta hosi Vise Primeiru-Ministru no Ministru Planu no Ordenamentu, José maria dos Reis.

“Ministériu Planu no Ordenamentu maka departamentu governamentál hanesan responsável ba konsesaun, koordenasaun no avaliasaun polítika, ne’ebé define no aprova ona hosi Konsellu Ministru ba área promosaun dezenvolvimentu ekonómiku no sosiál paíz nian, liuhosi planeamentu estratéjiku no integradu no rasionalizasaun rekursu finanseiru ne’ebé disponível,” relata Ministru Prezidénsia Konsellu Ministru, Fidelis Manuel Leite Magalhães, hafoin ramata reuniaun KM iha Palásiu Governu, kuarta ne’e.

Notísia Relevante: Governu Halo Mudansa ba Orgánika VIII Governu, Sei Iha Vise-PM Na’in-Rua

 Aleinde ne’e, MPO asume responsabilidade espesífika kona-ba implementasaun planu estratéjiku dezenvolvimentu, liuliu iha relasaun ho infraestrutura no planeamentu urbanu, petróleu no minerál, inklui planeamentu no ordenamentu territóriu.

MPO subtitui Ministériu Planeamentu no Investimentu Estratéjiku.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here