Ministru Ensinu Superiór, Siénsia no Kultura, Longuinhos dos Santos. Imajen Tatoli/Egas Cristovão

DILI, 26 agostu 2020 (TATOLI)-Ministru Ensinu Superiór Siénsia no Kultura (MESSK), Longuinhos dos Santos, informa rezultadu diskusaun ne’ebé nia halo ho Prezidente Parlamentu Nasionál, Aniceito Guterres, foinlalais kona-ba ejizénsia Aliansa Universitáriu Timor-Leste (AUTL) seidauk hetan solusaun.

AUTL ejize Governu liuhosi MESSK atu oferese subsídiu ba estudante universitáriu sira inklui aplikasaun propinas gratuita hanesan ho Timoran iha rai-liur durante implementasaun Estadu Emerjénsia liga ho pandemia globál surtu COVID-19.

Notísia Relevante :PN sei ko’alia ho Governu kona-ba ejizensia AUTL

“Horiseik (tersa ne’e) ha’u ho PPN halo ona diskusaun ha’u informa ona ba Prezidente Parlamentu Nasionál kona-ba asuntu AUTL nian atu nune’e bele apar ho informasaun ne’e,” informa nia ba jornalista sira iha Palacio do Governo hafoin reuniaun Konsellu-Ministru, kuarta ne’e.

Maski nune’e Governu sei buka meius atu rezolve asuntu ne’e iha futuru. “Ami na’in rua hasoru ne’e atu informa asuntu ne’e de’it maibé ami seidauk iha esforsu ida kona-ba AUTL nian,” tenik tan.

Notísia Relevante :AUTL ejize Governu kria fali dekretu-lei foun

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here