Diretór Ezekutivu Servico Autonomo Medicamentos Equipamentos Saúde (SAMES), Santana Martins. Imajen/Egas Cristovão

DILI, 25 agostu 2020 (TATOLI)-Diretór Ezekutivu Servisu Autónomu Medikamentu no Ekipamentu Saúde (SAMES), Santana Martins, apela ba profisionál saúde no instituisaun relevantes atu uza ekipamentu protesaun pesoál ba prevensaun surtu COVID-19 tuir nesesidade tanba estoke iha Armazén SAMES limitadu.

“Ami-nia analiza no estimasaun katak ekipamentu prevensaun COVID-19 ne’ebé mak ita asegura iha armazén bele frekuenta to’o fulan-neen, maibé depende mós kazu se karik kazu ne’e mak mosu no aumenta makas’as konserteja estoke sira ne’e sei labele auguenta,” dehan nia ba jornalista sira iha SAMES Kampung-Alor Dili, tersa ne’e.

Tanba ne’e maka nia rekomenda atu uza tuir nesesidade katak bainhira mak bele uza máskara, luvas,  roupa no sapatu nune’e bele poupa estoke ne’e durante fulan-neen.

Kona-ba apoiu husi Ajénsia Internasionál no doadór sira, antes ne’e, nia hateten SAMES sei jere fasilidades hirak ne’e nune’e labele estragus.

“Ita garante jestaun armazenamentu atu sasán sira ne’e rai iha fatin kualidade atu labele a’at, hodi nune’e kuandu tempu halo distribuisaun mós ekipamentu sira ne’e iha nafatin kualidade,” katak Santana.

Ba instituisaun sira ne’ebé mak presiza atu hetan apoiu  ekipamentu prevensaun moras coronavirus, dahuluk tenki halo proposta ba Ministériu Saúde liuhosi Diresaun Nasionál Servisu Ospitalár  depois hetan aprovasaun maka SAMES obrigatoriumente halo distribuisaun.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here