Ministeriu Saude distribui ambulansia 16 ba RAEOA no Munisipiu 12.Imajen/Felicidade Ximenes.

DILI, 25 agostu 2020 (TATOLI)-Diretór Saúde Munisípiu Lautem, Bernado Amaral Lopes, hateten agradese ba Governu liliu ba Ministériu Saúde tanba distribui ona karreta ambulánsia hamutuk rua hodi fó atendimentu ba pasiente sira.

”Dahuluk ha’u hakarak agradese ba Ministra saúde no Vise Ministru saúde tanba ami Munisípiu Lautem foin primeira vez hetan karreta ambulánsia rua dala ida iha tempu hanesan,” dehan nia ba jornalista sira iha Caicoli Dili, tersa ne’e.

Notísia Relevante :Governu distribui ambulánsia 16

Ministériu Saúde, ohin distribui ona ambulánsia hamutuk unidade 16 ba Munisípiu 12 inklui Rejiaun Administrativa Espesiál Oé-Cusse Ambeno (RAEOA).

Nia dehan karreta rua ne’ebé sira simu, karreta ida sei koloka ba iha Diresaun Ambulánsia nian no ida seluk sei fó ba Sentru Saúde Iliomar.

”Utilizasaun ba karreta rua ne’e espesifiku ba COVID-19 maibé pasiente COVID-19 laiha entaun pasiente seluk ne’ebé nesesita tebes ha’u hanoin konforme nesesidade iha terenu enjerál atu tulun komunidade kona-ba asuntu trasferénsia banhira labele atende iha fasilidade ida tenki transfere ba iha fasilidade ne’ebé mak bele halo atendimentu,” tenik tan.

Munisípiu Lautem iha karreta multi-funsaun hamutuk lima, maibé karreta ida husi Sentru Saúde Iliomar nian avaria no daudaun ne’e halo hela manutensaun iha nasionál.

Ambulánsia iha rua, maibé nia tenik kondisaun karreta rua refere komesa grave ona.

”Multifunsaun haat ne’ebé mak sei iha ida Lospalos nia mak avaria maibé ami halo ona pedidu mai iha Diresaun Nasionál Lojístika iha semana kotuk, entaun semana ida ka rua ba oin mekaniku sira sei haree entaun ida funsiona loloos mak hela tolu deit,” hateten Bernardo Amaral Lopes.

Munisípiu Lautem iha Sentru Saúde hamutuk lima no Postu Saúde 28.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here