Prezidente Konsellu Veteranu, Vidal de Jesus “Riak Leman”. Imajen TATOLI/Osória Marques.

DILI, 25 agostu 2020 (TATOLI)–Prezidente Konsellu Veteranu, Vidal de Jesus “Riak Leman”, hatete halo uma ba veteranu tinan 24 luta iha ai-laran ne’e no rezolve feto-faluk no oan-kiak sira nian inklui haree no fó bolsu estudu ba veteranu sira-nia oan mak sai planu prioridade ba Konsellu Veteranu nian.

“Ita-nia planu prioriadade ida-ne’e ita sei lahalo dala ida de’it maibé halo neineik maibe beibeik, nune’e to’o tempu ida ka situasaun ida ita sei rezolve hotu. Pelumenus la totál maibe 50% ita bele rezolve ona,” dehan Prezidente Konsellu Veteranu, Vidal de Jesus “Riak Leman,” ba Agência TATOLI, iha nia knaar fatin SERVE, Obrigado-Barak, Matadoru, Dili, tersa ne’e.

Aleinde ida-ne’e, nia dehan, tuir mai mak hanoin halo sede ba veteranu sira iha munisípiu inklui sosa kareta ba konsellu munisipál sira nune’e sira mós bele halo servisu.

Nia dehan, konsellu munisipál sira iha munisípiu mós presiza karreta hodi halo servisu sira hanesan halo verifikasaun ba dadus ka dokumentu ne’ebé mak veteranu rejistu ona.

Notísia Relevante: MAKLN sei aloka osan $2,400,000 konstrui uma 60 ba veteranu

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here