Serimonia entrega ekipamentu covid-19 husi UNICEF ba ministeriu saude. Apoiu sira ne finansia husi ADB, UE, UNICEF no Australia. Cerimonia entrega ekipamentu nee halao iha SAMES.I majen/Antonio Goncalves

DILI, 15 agostu 2020 (TATOLI)-Ministériu Saúde liuhosi Servisu Autónomu Medikamentu no Ekipamentu Saúde (SAMES), iha tersa ne’e simu ona apoiu ekipamentu protesaun pesoál ba prevensaun COVID-19 ne’ebé oferese husi Fundu Nasaun Unida ba Labarik (UNICEF sigla Inglés) iha Timor-Leste.

Reprezentante UNICEF iha TL, Valérie Taton, mak entrega diretamente apoiu ne’e ba Ministra Saúde, Odete Maria Freitas Belo, iha Armazén SAMES Kampung Alor Dili.

Notísia Relevante : UNICEF apoiu ekipamentu prevensaun COVID-19 ba prijaun tolu

Totál ekipamentu protesaun pesoál (EPP) hamutuk 100.000 kompostu husi máskara sirúrjika, máskara N95, protetór oin, ókulu asegura oin, luvas sirúrjika no ezaminasaun, no vestuáriu servisu nian.

Fasilidade hirak ne’e sei distribui ba profisionál saúde iha liña oin ne’ebe servisu iha Sentru Saúde 70-resin iha Munisípiu 12 inklui Rejiaun Administrativa Espesiál Oé-Cusse Ambeno (RAEOA).

“Ami direita halo supplay ekipamentu saúde ne’ebé mak donatór sira oferese ne’e mak hanesan máskara serúrjika no máskara N95, protetór oin, óklu asegura oin, luvas serúrjika no ezaminasaun inklui vestáariu servisu nian,” dehan nia ba jornalista sira iha SAMES.

UNICEF sosa ekipamentu hirak ne’e tanba hetan doasaun osan husi Banku Dezenvolvimentu Aziatiku, GAVI–Aliansa Vasina, Uniaun Europeia, no UNICEF Australia.

“UNICEF kontente tebes tanba bele apoiu Ministériu Saúde hodi hatan ba pandemia COVID-19, liuhosi entrega remesa bo’ot EPP mak hatama mai país ne’e,” katak Taton.

Ekipamentu protesaun pesoál ne’e esensiál tebes hodi garante ba profesionál saúde  iha liña oin, labarik sira, no família sira ne’ebé hetan asesu ba servisu saúde ho rutina atu moris iha ambiente seguru durante propagasaun COVID-19.

Notísia Relevante :UNICEF tulun Governu rekopera aprendizajen ho seguru

Jornalista : Tomé Amado    

Editór       : Agapito dos Santos

HAKEREK NO HATÁN

Please enter your comment!
Please enter your name here