Embaixadór Austrália iha Timor-Leste, Peter Roberts. Imajen Tatoli/Egas Cristovão

DILI, 25 agostu 2020 (TATOLI)-Embaixadór Austrália ba Timor-Leste, Peter Roberts, hateten Governu Austrália fiar ninia povu sei kontinua fó apoiu ba Timor-Leste hodi halo propagasaun ba pandemia globál surtu COVID-19 iha Timor-Leste.

Diplomátiku husi Austrália hato’o ninia opiniaun ne’e bainhira partisipa serimonia entrega ekipamentu COVID-19 husi UNICEF ba Governu liuhosi MInistériu Saúde, iha ne’ebé povu Austrália mós suporta doasaun osan ba UNICEF hodi sosa ekipamentu refere.

Notísia Relevante :Austrália no Xina Kontinua Oferese Ekipamentu Prevene COVID-19 ba MS

“Ohin ha’u mai partisipa iha eventu entrega eskipamentu ba Governu Timor-Leste ne’e iha diferensa oituan. Ha’u mai la lori povu Austrália nia-naran tanba sira mak fó apoiu liuhusi Governu Austrália depois bele entrega ba UNICEF,” informa nia ba jornalista sira iha SAMES Kampung Alor Dili, tersa ne’e.

Nia dehan ho apoiu ne’e sei tulun profisionál saúde sira atu halo vijilánsia ba prevene no kombate Coronavirus iha Timor-Leste.

“Ha’u mós kontente ho lideransa Ministra Saúde nian bele kontinua nafatin kooperasaun di’ak ho parseiru dezenvolvimentu sira hotu,” katak Peter.

Nia hatutan ho kooperasaun entre Governu ho parseiru dezenvolvimentu sira, garante sei lori nasaun foun ne’e livre ona husi transmisaun COVID-19.

Notísia Relevante :Austrália  Apoiu Tan Máskara ba MEJD

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here