Reprezentante ADB iha Timor-Leste, José Pereira. Imajen/Mídia-MF

DILI, 25 agostu 2020 (TATOLI)-Diretór en Ezersísiu Banku Dezenvolvimentu Aziátiku (ADB-sigla inglés), José Pereira, hato’o kongratulasaun ba Governu Timor-Leste tanba responde ona kazu COVID-19 ho di’ak hodi la rezulta ema mate.

“Ha’u lori ADB nia naran hakarak kongratula no apresia Governu Timor-Leste liuhusi servisu Ministériu Saúde nian bele duni responde ba COVID-19 no ohin loron laiha ema Timoroan ida mak mate, ne’e esforsu ida di’ak tebes,” katak nia durante serimonia entrega ekipamentu COVID-19 husi UNICEF ba Ministériu Saúde, iha Kampung Alor Dili, tersa ne’e.

Ho progresu servisu ne’ebé maka Governu hetan daudauk maka reforsa tan ADB ninia protidaun atu kontinua fó apoiu ba TL hodi halo prevensaun ba COVID-19.

“Ha’u kontinua lori ADB nia naran hakarak re-afirma katak ADB nafatin hamrik iha Governu Timor-Leste nia sorin hodi sai nafatin parseiru permanente hodi kontinua fó apoiu iha setór ne’e,” katak nia.

Haree ba esforsu Governu TL nian ba luta hasoru pandemia globál surtu coronavirus maka ADB iha Manila no TL liuhosi kompetisaun konsege hetan fundu millaun $ 1.3 hodi entrega ba UNICEF atu kontinua fó apoiu ba Timor-Leste iha ámbitu COVID-19.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here