Juiz Administradór Tribunál Distritál Dili (TDD), Afonso Carmona. Imajen/Dok. Tatoli

DILI, 24 agostu 2020 (TATOLI)-Juis Administradór Tribunál Distritál Dili (TDD), Afonso Camorna, informa, TDD kontrata tradutór  jerál na’in-haat (4) hodi   atende servisu sira no fasilita tradusaun ba sidadaun estranjeiru ne’ebé   partisipa  audiénsia julgamentu ruma no la hatene lian Tetun.

Notísia Relevante : Presiza aumenta juis iha TDD

Tradutór jerál  ne’e bele halo tradusaun ba lian Tetun ba Portugés no Portugés ba Tetun ba sidadaun estranjeiru ne’ebé tuir prosesu audiénsia  julgamentu bainhira la hatene lian Tetun.

TDD mós hetan apoiu tradutór lian-Ingles ema na’in-ida husi Tribunál Rekursu (TR).

“Tuir nesesidade durante ne’e  ita haree kuandu kazu ne’ebé tama juis halo despaxu atu simu akuzasaun nomea ema prepara kedas tradutór  prosesu  kuandu ema ne’e ladún komprende di’ak Tetun,”  hateten Juis Administradór TDD, Afonso Carmona, ohin, hodi responde Agência Tatoli iha nia servisu fatin, Mandarin, Dili.

Tuir planu TDD nian   kuandu iha nesesidade sei halo kontratu mós ba tradutór ho  lian materna hanesan Mambae, Kemak, Tokodede hodi  atende  karik sidadaun ne’ebé ladún komprende lian-Tetun.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here