Logotipu ANAAA

DILI, 24 agostu 2020 (TATOLI)-Prezidente Konsellu Diretivu Ajénsia Nasionál Avaliasaun Akreditasaun (ANAAA), Samuel Freitas rekoñese durante tinan 10-resin ona seidauk iha kolaborasaun di’ak ho Institutu Ensinu Superiór Públiku no Privadu (IESPP) hodi hasa’e kualidade ensinu aprendizajen ba estudante ensinu universitáriu sira.

“Ita agora iha ona tinan 10 laiha variasaun kualitativu, ami observa iha buat ida de’it ANAAA ne’ebé atu garante kualidade no IESPP ne’ebé atu mellora kualidade karik durante ne’e lao ladun loos,” dehan nia ba Tatoli iha Balide, segunda ne’e.

 Notísia Relevante :ANAAA fó formasaun ba ema na’in 40

Ba futuru, nia rekomenda atu parte rua hadi’a kooperasaun ne’e hodi garante edukasaun ida kualidade tanba baseia rejultadu avaliasaun husi ANAAA nian durante ne’e ba universidade sira, liliu entermus kualidade atinje de’it pursentu 84 no kursu pursentu 76 no la to’o pursentu 100.

“Se ita hakarak hadi’a kualidade entaun presiza hadi’a no servisu maka’as tan. ida ne’e mak objetivu prinsipál ita nian nu’udar ajénsia avaliasaun atu nune’e ba oin bele haree ita nia IESPP sira sai institutu no universidade ida kualidade iha aspetu hotu,” tenik tan.

Jornalista : Tomé Amado

Editór       : Agapito dos Santos

1 KOMENTÁRIU

  1. W pesoal Lamenta ho prosesu aprendijajen ida agra,
    Tmb Hahu hsi ensino Basico too ensino secundario
    Materia htu hnrin ho Lingua official, mbe ensino superior pribado sra Liliu UNPAZ mantein ho Lingua Melayu/Indonesia, w klia tmba w rsik hlao estudo h UNPAZ la satisfas ho modelo edukativu refere.

HAKEREK NO HATÁN

Please enter your comment!
Please enter your name here