Diretór Ezekutivu SERVE, Florêncio Sanches. Imajen Tatoli/António Gonçalves

DILI, 24 agostu (TATOLI)-Diretór Ezekutivu Servisu Rejistu Verifikasaun Emprezariál (SERVE) Florêncio Sanches, hateten iha agostu 2020, servisu ne’e rejista empreza nasionál no internasionál hamutuk 20 maka deside taka totál atividade negósiu Timor-Leste.

“Infelismente númeru emprezáriu sira ne’ebé maka husu atu taka sira-nia atividade negósiu mós barak, hanesan foin daudaun tama fulan-agostu iha empreza 20 no semana kotuk foin daudaun, iha sesta, ha’u simu tan pedidu rua atu taka negósiu,” tenik Diretór Ezekutivu SERVE, iha salaun Institutu Apoiu Dezenvolvimentu Emprezariál (IADE), Bebora, segunda ne’e.

Diretór ne’e husu emprezáriu sira atu labele taka sira-nia kompañia.

“Ami husu ba sira, karik bele taka atividade negósiu maibé labele taka imi-nia kompañia, tanba bainhira taka atividade negósiu provizóriu, kuandu situsaun normál fali bele hala’o fali atividade maibé kuandu taka kompañia ne’e nuka mais moris fali hanesan ema karik mate dala ida hotu ona,” nia fó hanoin.

Nia dehan, empreza sira ne’e taka permante ona kompañia iha Timor-Leste.

“Empreza sira ne’ebé  maka deside taka kompañia iha Timor-Leste iha fulan-agostu ne’e hamutuk 20, maihosi nasaun lubuk ida, porsentu 50 hosi tasi balun inklui rai-laran no hosi rai-li’ur rasik kuaze metade maka deside taka atividade no empreza hirak ne’e hosi Austrália, Indonézia, Xina, Malázia inklui hosi Europa. Sira deside taka tanba laiha rendimentu,’ nia akresenta.

Desde inísiu 2020 to’o agora, SERVE rejista empreza 1.000 resin.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here