Diretór Ezekutivu Servisu Autónomu Medikamentus Ekipamentus Saúde (SAMES), Santana Martins.Imajen/TATOLI:Felicidade Ximenes

DILI, 21 agostu 2020 (TATOLI)-Governu liuhosi Ministériu Finansa oras ne’e apoiu tan osan millaun $ 1.8 ba Servisu Autónomu Medikamentu no Ekipamentu Saúde (SAMES) hodi sosa ai-moruk no ekipamentu saúde.

”Ami agradese  ba Ministériu Finansa tanba fó tan  apoiu millaun $ 1.8 hodi SAMES bele kontinua prosesu aprovizionamentu  nian tanba  ne’e  mak ami halo hela esforsu  maka’as ba ai-moruk ne’e  no prosesu lalais para bele hetan ai-moruk sira ne’e,’’  dehan Diretór SAMES, Santana Martins, ba jornalista sira iha Kampung-Alor Dili sesta ne’e.

Notísia Relevante :Estoke ai-moruk iha SAMES komesa menus

Ho apoiu ne’e SAMES sei esforsu atu importa lalais estoke ai-moruk husi rai-liur mai Timor-Leste hodi responde estock out ne’ebé daudaun ne’e akontese iha armazén SAMES.

Entretantu, SAMES prevee ona Dotasaun Orsamentu Temporariu (DOT) 2019 hamutuk millaun $ 3.7 hodi sosa ai-moruk.

Nia parte parte daudaun ne’e halo ona prosesu aprovizionamentu no balun iha ona faze deliberasaun tanba ne’e, garante katak iha fulan-outobru to’o novembru 2020 estoke ai-moruk hirak ne’e sei to’o iha Timor-Leste.

”Agora ita halo hela esforsu ba iha fasilidade saúde sira hanesan farmásia, klínika sira iha rai laran ne’e sira mós hetan difikuldade oinsá atu lori ai-moruk ne’e mai,” dehan nia ba jornalista sira iha  Kampung-Alor.

Tuir relatóriu semana kotuk nian relata estoka ai-moruk iha Armazén SAMES Kampung-Alor Dili komesa menus ba pursentu 28 % inklui mós ai-moruk vitál ba inan sira partu.

SAMES iha item ai-moruk hamutuk 95 maibé, item 13 mak agora mamuk hanesan magnesium Sulphate 50% Vial /10ml, Pencilin Benzyl Penicilin PFI 1 MU600mg, Amoxicilin/Clavulanate Oral 125mg/31.25mg/5ml.Bot 100ml, Captopril 50mg tabs, Chlorpromazine HCL 25mg tabs, Diclofenac Sodium IM Injection 25mg amp/3ml no mós item sira seluk tan.

Notísia Relevante :MS Sei iha Estoke Ai-moruk Kímiku Hodi Rega Susuk

Jornalista : Felicidade Ximenes

Editór        : Agapito dos Santos

HAKEREK NO HATÁN

Please enter your comment!
Please enter your name here